د ملالۍ پوهنتون د مسلکي پرمختیايي مرکز ارزونه تیره ورځ (چهارشنبه – ۱۴۰۴/۱۰/۲۴ ل.) د لوړو زده کړو وزارت دوه کسیزه پلاوي (د علمي کادر غړو د علمي او مسلکي ظرفیت لوړاوي آمر محترم مفتي محمد سعيد مدني او د ياد آمريت د تخنيکي چارو کارپوه محترم احمد الله کاکړ) ترسره کړه.
د پیل او ښه راغلاست مجلس د پوهنتون په عمومي ریاست کي دائر سو، د ملالۍ پوهنتون رئیس ښاغلي مولوي رحمتالله نیازي راغلي پلاوي ته ښه راغلاست ووایه، د علمي کادر غړو د مسؤلیتونو په اړه یې خبري وکړې او د هر راز مرستو ژمنه یې ورسره وکړه.
د علمي چارو مرستیال ښاغلي پوهنیار عبدالرحمن سعید د پوهنتون د علمي کادر غړو د ظرفیت لوړولو په پروګرامونو وږغېد او د لاسته راوړنو معلومات یې له راغلو مېلمنو سره شریک کړل.
د علمي کادر غړو د علمي او مسلکي ظرفیت لوړاوي آمر ښاغلي مفتي محمد سعید مدني هم خبرې وکړې، له ملالۍ پوهنتون څخه یې مننه وکړه او د خپلي ارزوني پر اهمیت او اړتیا یې رڼا واچوله.
ورپسې راغلي پلاوي د مسلکي پرمختیايي مرکز د ظرفیت لوړوني پروګرامونو شواهد د خپل چک لېسټ مطابق وکتل او د ترسره سوو فعالیتونو ستاینه یې وکړه؛ د دې ترڅنګ یې خپل نظریات له اړوند مسؤلینو سره شریک کړل.
#ملالۍ_له_تیارو_څخه_رڼا_ته!
ویب پاڼه: www.Malalay.edu.af
فېسبوک او انسټاګرام: Malalay.mihe
ټوېټر: Malalayedu
لنکډان: Malalay University
یوټیوب: Malalay University
